काठमाडौं/ तरकारीवालीको रुपमा भाइरल गर्ल कुसुम श्रेष्ठ अभिनित पहिलो म्युजिक भिडियो ‘कान्छा कान्छी’ सार्वजनिक भएको छ । युट्युव मार्फत सार्वजनिक भिडियोमा कुसुमले आरएल मोक्तानसँग रोमान्स गरेकी छन् । भिडियोमा प्रेम गर्नेले मायालुले आफ्नो मायालाई छोडेर टाढा जाँदैन भन्ने कथा बुनिएको छ । हेर्नुस् भिडियो यस्तो बनेको छ ।

मकवानपुरको सिस्नेरी, कुलेखानी आसपसमा निकै आकर्षक तवरले  छायाँकन भएको भिडियो आरएल मोक्तनले नै निर्देशन गरेका हुन् । लोक शैलीमा तयार भएको गीतमा निर्देशक मोक्तानकै शब्द, बिकाश चौधरीको संगीत रहेको छ भने गीतमा बिकाश चौधरी र चन्दा घिसिङको स्वर छ ।

बिक्रम कार्की टिमको छायाँकन रहेको गीत कृष्ण पाण्डेले सम्पादन गरेका हुन् । भाइरल भएपछि कुसुमले लम्फु नामक एक फिल्म अभिनय गरेकी थिइन् । तर उक्त फिल्मले भने उनलाई राम्रो चर्चा दिलाउन भने सकेन । यो म्युजिक भिडियोले आफुलाई राम्रो चर्चा दिलाउने बिश्वास रहेको उनले बताइन् । 

तपाईको प्रतिक्रिया