ईटहरी/ हिमालय टेलिभिजनबाट प्रसारण भइरहेको रियालिटी शो “द भ्वाइस अफ नेपाल” मा नक आउट राउण्ड पार गरि टप १२ मा परेका झापा गौरादहका गायक बल बहादुर राजवँशी लाइभ राउण्डमा प्रवेश गरे सँगै उनलाइ भोटिङ कोर्ड दिइएको छ । उनले पाएको भोटिङ कोर्ड ३ रहेको छ । कार्तिक २२ गते शुक्रबार राती प्रसारण हुने शो को प्रस्तुतीपछी भोटिङ लाइन खुला गरिने छ ।

बलबहादुर राजवँशीलाइ जिताउन अबको प्रत्येक हप्ताको प्रस्तुती पछी नेपालबाट मोवाइलको म्यासेज बक्समा ०३ टाइप गरि ३७००० नम्बरमा पठाउनु पर्नेछ । बिदेशबाट पनि एसएमएस मार्फत भोट गर्न सकिने छ । जस अन्तर्गत कतारबाट भोट गर्दा म्यासेज बक्समा ३ टाईप गरि ९२३०० नम्बरमा पठाउनु पर्नेछ । त्यसैगरि ईन्डियाबाट भोट गर्नलाई म्यासेजमा बल बहादुरको कोड ३ टाईप गरि ५३०१० मा पठाउनु पर्नेछ भने प्रभु पे एप्स डाउनलोड गरि अनलाइनबाट पनि बिश्वभरबाट भोट गर्न सकिने छ ।

लाइभ राउण्डमा प्रवेश पाएका १२ जना प्रतिस्पर्धीहरुबाट खुल्ला भोटिङका आधारमा बर्षको भ्वाइस अफ नेपाल बिजेता छानिने छ । बलबहादुरलाइ आगामी शुक्रबारको प्रस्तुति पछी भोट गर्न इस्टमित्र आफन्त तथा देश बिदेशमा रहेका साथिभाइ हरुले बिभिन्न सामाजिक संजालमार्फत अपिल गरीरहेका छन । फरक शैलि र स्वरका धनि बलबहादुरलाई जिताउन र भोट अपिल गर्न यतिबेला सामाजिक संजालमा अभियान समेत चलिरहेको छ ।

तपाईको प्रतिक्रिया